"Байер" "Айнтрахт" марказий ҳимоячиси Робин Кохни ўз сафига қўшиб олмоқчи, деб хабар берди журналист Флориан Плеттенберг ўз твиттерида.
Қайд этилишича, клуб унинг шартномасида кўрсатилган 18-20 миллион евро миқдоридаги товон пулини тўлашга тайёр.
Шунингдек, унга "Лейпциг" ва "Боруссия" Дортмунд клублари ҳам қизиқиш билдирмоқда. "Айнтрахт" эса ўз навбатида футболчини олиб қолмоқчи ва шартномани узайтиришни талаб қилмоқда.
28 ёшли Кох жорий мавсум "Айнтрахт" сафида 42 та ўйинда майдонга тушди ва 3 та гол ҳамда 2 та голли узатмага муаллифлик қилди.
