Ўзбекистон Суперлигасининг 10-туридан ўрин олган "Бунёдкор" – "Навбаҳор" учрашувидан олдин наманганликларнинг 23 ёшли маҳоратли ярим ҳимоячиси Алишер Одилов бўлажак ўйин ҳақидаги фикрлари билан ўртоқлашди.
- Эртанги баҳсга одатдагидай яхши тайёргарлик кўрдик. Одатда биз ҳар бир ўйинга жиддий ёндашиб, юқори суръатда тайёргарлик кўрамиз. Бу галгиси ҳам бундан мустасно бўлмади.
Бўлажак рақибимиз – "Бунёдкор" борасида тўхталадиган бўлсак, ушбу жамоага қарши ўйнаса бўлади. Рақибни ҳурмат қиламиз, яхши шаклланган жамоа, аммо енгиб бўлмас даражада эмас.
Майдонга ғалаба иштиёқида тушиб, буни амалга ошириш учун барча имкониятимизни ишга соламиз, қолгани Аллоҳдан.
Эртанги учрашувда бизни ғалабадан бошқаси қониқтирмайди. Шу боис, таъкидлаганимдек, зафар қучиш учун қўлимиздан келганича ҳаракат қиламиз, - деди Алишер Одилов.
