"Аталанта" ҳужумчиси Матео Ретеги А Серияда бир мавсумда энг кўп гол уриш бўйича клубнинг янги рекордчисига айланди.

26 ёшли футболчи 37-турнинг шанба кунги баҳсида "Женоа"ни мағлуб этиб (3:2), битта гол уришга муваффақ бўлди. А Сериянинг жорий мавсумида Ретега ҳисобида 25 та гол бор - у "Аталанта"нинг бундай кўрсаткичга эришган биринчи вакили бўлди. 1996/97 йилги кампанияда 24 марта гол урган машҳур Филиппо Индзагининг рекорди янгиланди.

А Серия - 2024/25 тўпурарлари рўйхатида Матео Ретеги етакчилик қилмоқда, у "Фиорентина" футболчиси Мойзе Кин (17) ва жамоадоши Адемола Лукманни (15) ортда қолдирган.