"Бавария" клуби президенти Герберт Хайнер жамоа вингери Лерой Саненинг шартномаси якунланаётганига изоҳ берди.
Шанба куни Венсан Компани жамоаси Бундеслиганинг сўнгги турида "Хоффенхайм" устидан ғалаба қозонди (4:0). Учрашув якунлангач, журналистлар Хайнердан Саненинг келажаги ҳақида гапиришни сўрашди. Миш-мишларга кўра, 29 ёшли футболчи билан янги шартнома бўйича музокаралар боши берк кўчага кириб қолган.
"Тушунишимча, бу ҳали охири эмас. Тез орада у билан гаплаша олишимга ишончим комил. Биз уни сақлаб қолмоқчи бўлдик ва оқилона таклиф бердик. Агар у рози бўлса - биз бахтли бўламиз, агар йўқ бўлса - бу унинг қарори," - дея "Бавария" президенти сўзларини келтиради Bayern & Germany.
