Мадриднинг "Реал" клуби ярим ҳимоячиси Лука Модрич келажакдаги режаларини белгилаб олди.
Хорватнинг амалдаги шартномаси ёзда тугайди, аммо футболчи аллақачон барчасини ҳал қилган - у келишувни узайтирмоқчи ва "қаймоқранглилар" раҳбарияти шартларини қабул қилишга тайёр. Журналист Хосе Феликс Диаснинг маълум қилишича, 39 ёшли футболчи Мадридда яна бир мавсум ўйнамоқчи, кейин эса жаҳон чемпионатида қатнашиб, бутсаларини михга илмоқчи.
Жорий йилнинг сентябрь ойида Лука Модрич 40 ёшга тўлади. Жорий мавсумда хавбек "Реал" сафида барча мусобақаларда 54 та ўйинда майдонга тушиб, 4 та гол ва 8 та голли узатмага муаллифлик қилди.
