Лиссабоннинг "Спортинг" клуби жорий мавсумда Португалия чемпиони бўлди. Саудия Арабистонининг "Ан-Наср" клуби 40 ёшли ҳужумчиси Криштиану Роналду собиқ жамоасини ғалаба билан табриклади.
"Табриклайман, чемпионлар. Кетма-кет иккинчи йил," - дея пост қолдирди юлдуз футболчи ижтимоий тармоқларда.
Эслатиб ўтамиз, "Спортинг" ўз тарихида 21-марта Португалия чемпионатининг энг яхши клубига айланди.
Роналду "Спортинг" академияси тарбияланувчиси ҳисобланади. У 2002 йилдан 2003 йилгача асосий жамоада ўйнаган. Кейин Криштиану Англиянинг "Манчестер Юнайтед" клубига ўтди ва у ерда олти мавсум ўтказди. Шунингдек, у Европада "Реал" ва "Ювентус"да ўйнаган.
