Саудия Арабистони чемпионатида "Ан-Наср" сафида тўп тепаётган юлдуз ҳужумчи Криштиану Роналду қайси клуб футболчилари билан футболка алмашмаслигини айтди.
"Рома"га қарши баҳсни эслайман, ҳисоб 6:0 бўлганида, улар тўхташимни сўрашди. Рақиблар гол уришни тўхтатишни илтимос қилишди. Агар бу давом этса, менга зарар етказиш билан таҳдид қилишди. Мен ҳеч қачон бу клуб футболчилари билан футболка алмашмаган бўлардим," - дея 40 ёшли тўпурарнинг сўзларини келтиради Give me Sport.
2007 йилда "Манчестер Юнайтед" Чемпионлар лигасида "Рома" билан тўқнаш келган. Ўша ўйинда Роналду жамоаси 7:1 ҳисобида ғалаба қозонган.
