«Интер Майами» 37 ёшли ҳужумчи Анхель Ди Марияга қизиқиш билдирмоқда. Аргентиналик футболчи аввалроқ «Бенфика»дан кетишини эълон қилган эди. Бу ҳақда TEAMtalk хабар бермоқда.

Манба маълумотига кўра, АҚШ клуби Ди Мария билан шартнома тузишга интилади. Бу ёзги трансфер ойнаси 24 июлда очилишидан аввал амалга оширилиши мумкин. «Интер Майами» раҳбарияти Ди Мариянинг Лионель Месси билан бир жамоада тўп суришини хоҳламоқда — улар 2022 йилда Жаҳон чемпионлигини қўлга киритишган.

Жорий мавсумда Ди Мария барча мусобақаларда 39 та ўйинда иштирок этиб, 15 та гол ва 10 та голли узатма билан ажралган. Transfermarkt портали маълумотига кўра, футболчининг бозор қиймати 3 миллион еврога тенг.