"Милан"нинг чап қанот ҳимоячиси Тео Эрнандес яқин трансферлар даврида "Реал"га қайтиши даргумон.
"Қаймоқранглилар" келаси йили "Милан" билан амалдаги шартномаси тугайдиган франциялик футболчига қизиқиш билдирмоқда. Журналист Маттео Мореттонинг ёзишича, Эрнандеснинг хизматларини "Реал"га таклиф қилишган, аммо "қироллик клуби" унинг трансферини кўриб чиқмаган. Ла Лига гранди "Бенфика"дан Альваро Каррерас номзодини маъқул кўрмоқда - битим устида иш олиб борилмоқда.
Тео Эрнандеснинг Transfermarkt сайтидаги тахминий нархи - 40 млн евро. Жорий мавсумда 27 ёшли футболчи "россонерилар" сафида 49 та ўйинда 5 та гол ва 6 та голли узатмага муаллифлик қилган.
