Якшанба куни "Барселона" Испания чемпионатида "Вильярреал"га қарши уй учрашувини ўтказади. Каталонияликлар бош мураббийи Ханс-Дитер Флик ушбу ўйин ҳақидаги фикрлари билан ўртоқлашди.

"Биз ажойиб жамоага қарши ўйнаймиз. "Вильярреал" сўнгги вақтларда бир нечта фантастик ўйинлар ўтказди. Марселинонинг меҳнати сезилиб турибди. Уларнинг ўйинини томоша қилиш ёқимли. Эртага қийин бўлади. Аммо бу мавсумдаги сўнгги уй учрашуви бўлади ва биз уни ютишни истаймиз. Мухлисларимиз билан нишонламоқчимиз. Биз 2025 йилда ўз уйимизда мағлуб бўлмадик ва серияни сақлаб қолмоқчимиз," - деди Флик матбуот анжуманида.

"Барселона" Испания чемпионлигини расмийлаштириб бўлди.