Якшанба куни "Барселона" 2024/2025 йилги мавсумдаги сўнгги уй учрашувини ўтказади. Ханс-Дитер Флик жамоаси ўз майдонида "Вильярреал"га қарши баҳс олиб боради. Матбуот анжуманида германиялик мутахассис "Камп Ноу"га тез орада қайтиши ҳақидаги саволга жавоб берди.
"Биз "Камп Ноу"га қайтиш ҳақида гаплашмадик. Кутиш ва кўриш керак бўлади. Кўриниб турибдики, биз бу томошабинлар олдида ["Монжуик"да] вақтимизни яхши ўтказдик. Бу жуда ажойиб эди. Янги стадионда чиқиш қилишни интиқлик билан кутяпман, бу фантастика бўлади. Умид қиламанки, кейинги мавсумда қайтамиз," - деди Флик матбуот анжуманида.
