"Реал" мураббийи Карло Анчелотти жорий мавсум ҳақидаги саволга жавоб берди. Жамоа асосий мақсадларига эриша олмади - чемпионликни қўлга кирита олмади ва Чемпионлар Лигасида ғолиб бўлмади. Италияликдан жароҳатлардан ташқари яна қандайдир баҳоналар бор-йўқлиги сўралди.
"Биз кўпроқ натижаларга эришишимиз мумкин эди. Вальверде, Винисиус, Родриго ёки Куртуа каби ўйинчиларга бу мавсум учун юқори баҳо бериб бўлмайди. Аммо мен ҳеч қачон футболчиларни танқид қилмайман, чунки улар менга сўнгги йилларда жуда кўп қувонч бағишлашди. Улар мен учун доимо энг яхшилари бўлиб қолаверади, ҳатто баъзида ўзларининг энг яхши томонларини кўрсата олмасалар ҳам," - деди Анчелотти матбуот анжуманида.
