“Лион” ҳужумчиси Александр Ляказетт Лига 1нинг 34-туридан ўрин олган “Анже”га қарши ўйинда (2:0) дубл қайд этди.

Бу голлар унинг клубдаги 200 ва 201-голлари бўлди. У 222 та гол урган Флери Ди Наллодан кейин "Лион" тарихидаги иккинчи энг яхши тўпурар бўлиб турибди.

Аввалроқ, Ляказетт мавсум якунида жамоани тарк этиши ҳақида маълумотлар пайдо бўлганди. Унинг шартномаси 30 июн куни якунига етади.

Жорий мавсумда Ляказетт клуб сафида 42 та ўйинда майдонга тушиб, 19 та гол урди ва 3 та голга ассистентлик қилди.