"Сандерленд"нинг 19 ёшли ярим ҳимоячиси Жоб Беллингем фаолиятини Германия Бундеслигасида давом эттириши мумкин. Бу ҳақда Sky Sports журналистлари хабар бермоқда.

Манбага кўра, англиялик футболчига "Айнтрахт" клуби қизиқмоқда. Клуб 2025/2026 йилги Чемпионлар лигаси мавсуми бошланишидан олдин ўз таркибини Жуд Беллингемнинг укаси билан кучайтирмоқчи.

Марказий ярим ҳимоячининг "қора мушуклар" билан шартномаси 2028 йилнинг июн ойи охиригача мўлжалланган. Беллингемнинг трансфер қиймати 22 миллион еврога баҳоланмоқда.

Жорий мавсумда Жоб чемпионшипда 42 та ўйин ўтказди. Ярим ҳимоячи 4 та гол урди ва 3 та голли узатмани амалга оширди.