Туркия чемпионати ўйинида Фернандо Муслера гол урди.
"Галатасарой" Туркия чемпионатининг 36-турида "Кайсериспор"ни тор-мор этди ва муддатидан аввал чемпионликни қўлга киритди.
88-дақиқада Истанбул клуби пенальти тепиш имкониятини қўлга киритди. Нуқтага жамоа дарвозабони 38 ёшли Муслера яқинлашди.
Уругвайлик футболчи ўнг бурчакка зарба берди, рақиб посбони Билол Баязит зарба йўналишини топди, бироқ тўп унинг қўлига тегиб, дарвозага кириб кетди. Муслера голни босиқлик билан нишонлади.
Фернандо 2011/12-йилги мавсумдан бери "Галатасарой" шарафини ҳимоя қилмоқда.
