Лондоннинг "Арсенал" клуби бош мураббийи Микель Артета ҳужумчи позициясини кучайтириш борасида клуб спорт директори Андреа Берта билан келиша олмаяпти. Бу ҳақда журналист Саймон Филлипс хабар бермоқда.
Манбага кўра, Артета "РБ Лейпциг" вакили Беньямин Шешкони афзал кўрмоқда, бироқ Берта "Спортинг" форварди Виктор Дьёкерешни сотиб олишни талаб қилмоқда.
Жорий мавсумда 26 ёшли Дьёкереш 51 та ўйинда 53 та гол ва 13 та голли узатмага муаллифлик қилган. 21 ёшли Шешко ҳисобида 45 та ўйин, 21 та тўп ва 6 та ассист мавжуд.
