Бразилиялик вингер Антони "Вильярреал"га ўтиши мумкин, деб ёзади El Nacional.

Испан клуби Чемпионлар Лигаси йўлланмасини қўлга киритгач, ҳужум чизиғини кучайтирмоқчи ва Антони Марселинонинг режаларига мос тушган бўларди. "Бетис" Антонини ўз сафида олиб қолиш қийин бўлишини аллақачон билади, чунки жамоа кейинги мавсумда Европа Лигасида ўйнайди.

Ўз навбатида, "Манчестер Юнайтед" вингерни ижарага беришга интилмоқда ва Испания клубини афзал кўрмоқда, чунки Ла Лига унинг услубига мос келади, деб ҳисобламоқда. Манкунианликлар ижара вақтида футболчининг маошининг бир қисмини ўз зиммасига олишга тайёр.

Антони жорий мавсум 37 та ўйинда 9 та гол ва 5 та голли узатмага муаллифлик қилди.