Жоан Лапорта "Барселона" вингери Рафиньянинг жорий мавсумдаги муваффақиятидан ажабланмаяпти.

"Биз унинг иқтидорли эканлигини билардик. Лекин ҳамманинг мослашиш даври бор ва баъзи футболчиларга кўпроқ вақт керак бўлади. Фликнинг Рафинья билан қилган ишлари ақл бовар қилмайди ва у ўзини бу жамоа сардори сифатида кўрсатди. У ҳатто одамларни унга овоз беришга ундаш учун стикерлар тарқатиш орқали кампания олиб борди.

У шаҳарда ҳам ўзини жуда қулай ҳис қилади. Унинг шартномасини янгилаш, биз келгуси кунлар ва ҳафталарда ҳал қилишимиз керак бўлган энг муҳим муаммолардан биридир. Шартнома тугашига бир йил қолган бирорта футболчини жамоадан кетказмоқчи эмасмиз", - деди “Барселона” президенти.

Рафинья жорий мавсумда Ла Лигада 35 та ўйинда майдонга тушиб, 18 та гол урди ва 9 та голли узатмани амалга оширди.