Рубен Аморим қишда "Манчестер Юнайтед"дан кетишга тайёр эди.
ESPN хабарига кўра, январь ойида манкунианликлар бош мураббийи натижалардан шу қадар ҳафсаласи пир бўлган - жамоа 8 ўйинда атиги бир марта ғалаба қозонган - у истеъфога чиқишга тайёр эди. Ҳамкасблари уни бу фикрдан қайтаришди.
Португалиялик раҳбариятга кетишга тайёрлиги ҳақида расман хабар бермаган бўлса-да, клубдаги баъзи юқори лавозимли шахслар, жумладан, бош директор Омар Беррада уни қўллаб-қувватлашларига умид қилиши мумкинлигига ишонтирди.
Бундан ташқари, клубнинг хўжайинларидан бири Жим Рэтклифф бошчилигидаги "Юнайтед" раҳбарлари қийинчиликларга қарамай, Аморимнинг бу лавозимга муносиб номзод эканлигига ишонишда давом этишди.
Манбалардан бирининг маълум қилишича, январь ойида мураббий "сезиларли даражада натижалардан ҳафсаласи пир бўлган."
Аморим "Юнайтед"ни 2024 йилнинг ноябридан буён бошқариб келмоқда. Жамоа 37 турдан кейин 39 очко жамғариб, АПЛ турнир жадвалида 16-ўринни эгаллаб турибди. Европа лигаси финалида манкунианликлар "Тоттенхэм" билан тўқнаш келади.
