"Барселона" президенти Жоан Лапорта клуб дарвозабони Войцех Шеснини ўз сафида сақлаб қолиш нияти ҳақида гапирди.
35 ёшли полякнинг шартномаси июнь ойи охирида тугайди. Томонлар муддатни узайтириш борасида музокаралар олиб бормоқда.
"Биз Шеснининг тажрибаси туфайли шартнома имзоладик ва биз унга янги шартнома таклиф қилдик. У қолади деган умиддамиз", - дейди Лапорта.
Войцех Шесни ўтган йилнинг октябрь ойида эркин агент сифатида "Барселона"га ўтган эди. Дарвозабон Ханс-Дитер Флик жамоасида барча мусобақаларда 30та ўйин ўтказиб, 36та гол ўтказиб юборган ва 14та ўйинда дарвозаси дахлсизлигини сақлаб қолган.
