"Ювентус"нинг техник директори Кристиано Жиунтоли бош мураббий Игор Тудорнинг келажаги ҳақидаги саволга жавоб берди.

Март ойида хорватиялик мутахассис ишдан бўшатилган Тиаго Моттани алмаштириб, мавсум охиригача шартнома имзолади. “Кекса синьора” раҳбарияти кампания якунида мураббийнинг ишидан қониқиш ҳосил қилса, томонлар шартномани узайтириши мумкин.

"Тудорнинг келажаги? У жиддий таъсир ўтказа олди, у ажойиб иш қиляпти. У клублар ўртасидаги жаҳон чемпионати якунига қадар биз билан қолади, кейин кўрамиз", - дейди Жиунтоли.

“Ювентус” сўнгги тур олдидан 67 очко жамғарган ҳолда А Серия турнир жадвалида “Рома” (66) ва “Лацио” (65) клубларини ортда қолдириб, тўртинчи ўринда бормоқда.