Жорий мавсумда мамлакат чемпионига айланган Нидерландиянинг ПСВ клуби жамоа бош мураббийи Петер Бош билан янги шартнома тузиш истагида эканини маълум қилди.
"Биз Петерга у билан шартномани узайтирмоқчи эканлигимизни билдирдик. Бу ният ўзаро боғлиқ. У ўзини бахтли ҳис қилади, унга ишонишади. Жамоада жуда яхши муҳит бор. Биз ҳали бу масалани муҳокама қилмадик, аммо [узайтириш] эҳтимоли юқори," - деди жамоа бош менежери Марсель Брандс vi.nl нашрига берган интервюсида.
Петер Бош 2023 йилдан бери ПСВ билан ишлайди. Бу вақт ичида у жамоани 2 та чемпионлик унвонига етаклади.
