"Тоттенхэм", "Реал" ва Уэльс терма жамоасининг собиқ юлдузи Гарет Бэйл футбол эксперти ролини бажаради.

Football on TNT Sports хабарига кўра, уэльслик собиқ футболчи 21 май куни "Манчестер Юнайтед" ва "Тоттенхэм" ўртасидаги Европа лигаси финалини ёритувчи студия жамоаси таркибида бўлади. Бэйл билан бирга инглиз футболининг машҳурлари - Рио Фердинанд, Гленн Ходдл, Робби Сэвидж ва Пол Скоулз ҳам иштирок этади.

Бэйл 2023 йил бошида фаолиятини якунлади. У жами саккиз мавсумни “Тоттенхэм”да ўтказди (2007 йилдан 2013 йилгача ва 2020 йилдан 2021 йилгача), шунингдек, “Реал Мадрид” билан беш марта Чемпионлар лигасида ғолиб чиқди ва футбол тарихидаги энг кўп мукофотланган британияликлардан бирига айланди.