Лондоннинг "Арсенал" клуби хавбеки Жоржиньо бошқа клубга ўтишга яқин турибди. Ярим ҳимоячи Бразилия чемпионатига кўчиб ўтиши мумкин, дея хабар бермоқда инсайдер Фабрицио Романо.
Тажрибали футболчининг янги клуби "Фламенго" бўлиши керак. Журналистга маълум бўлишича, Жоржиньо "канонирлар" билан клублар ўртасидаги жаҳон чемпионати бошлангунига қадар Бразилия клубига ўтишга келишиб олган. Нуфузли турнир 15 июндан 13 июлга қадар АҚШ ҳудудида бўлиб ўтади.
Эслатиб ўтамиз, ярим ҳимоячи 2023 йилдан буён "Арсенал" шарафини ҳимоя қилиб келмоқда. Жорий мавсумда Жоржиньо лондонликларнинг 27 та ўйинида қатнашиб, ўз ҳисобига битта гол ёздириб қўйди.













