"Интер" Луис Энрике Лима трансферига яқин турибди.
Миланликлар "Марсель" билан 23 ёшли вингер трансфери бўйича келишувга "бир қадам" қолмоқда, деб ёзади Жанлука Ди Марцио. "Нерадзуррилар" ўз таклифини яхшилади ва энди 22 миллион евро ва бонуслар бермоқда, французлар тахминан 2 миллион евро кўпроқ олишни истамоқда.
Шу билан бирга, футболчини бошқа клублар илиб кетиш хавфи ҳам бор.
Ўтган мавсумда бразилиялик футболчи Лига 1да 33 та ўйинда майдонга тушиб, 7 та гол ва 7 та голли узатмага муаллифлик қилган.













