"Бавария" айни дамда яқин ёзда эркин агент сифатида қўлга киритилиши мумкин бўлган "Байер" ҳимоячиси Жонатан Та учун курашда фаворит бўлиб турибди. Footmercato журналисти Санти Аунанинг хабар беришича, 29 ёшли Та аллақачон мюнхенликлар билан шартнома шартларини келишиб олган. Шартнома тўрт йилга ёки яна бир мавсумга узайтириш имконияти билан уч йилга тузилади.
Шу билан бирга, таъкидланишича, "Барселона"нинг Жонатан Та билан оғзаки келишуви декабрь ойидан бери мавжуд. Аммо молиявий муаммолар туфайли каталонияликлар ҳозирча битимни расмийлаштира олмаяпти. Якунда германиялик ҳимоячи "Бавария"га бориб қўшилиши мумкин.
