"Барселона"нинг қанот ҳимоячиси Эктор Форт келаси мавсум ҳам жамоада қоладиган бўлди.
Журналист Карлос Монфортнинг таъкидлашича, 18 ёшли футболчи клуб ва мураббий томонидан ишонч кафолатини олган. Футболчига Флик кейинги мавсумда унга умид қилаётгани, шунинг учун "кўк-анорранглилар" у билан хайрлашмоқчи эмаслиги айтилган, дея таъкидлади манба.
Жорий мавсумда Форт барча мусобақаларни ҳисобга олган ҳолда 21 та ўйинда майдонга тушди, аммо самарали ҳаракат қилмади.
Фортнинг "Барселона" билан амалдаги шартномаси 2026 йилнинг ёзигача мўлжалланган. Transfermarkt экспертлари ҳимоячининг нархини ўн миллион еврога баҳоламоқда.
