"Интер" ва "Бавария" клубларининг собиқ ҳимоячиси Лусио дам олиш кунлари куйиш жароҳати билан шифохонага ётқизилди. 47 ёшли бразилиялик пайшанба куни Бразилиядаги шифохонага ётқизилган. У барча керакли ёрдамни олмоқда ва аҳволи яхшиланмоқда.

Унинг рафиқаси Марилия Форжианининг Бразилиянинг O Globo нашрига маълум қилишича, куйиш биоэтанолда ишлайдиган экологик камин портлаши оқибатида юзага келган.

Лусио Европада "Байер" (2001-2004), "Бавария" (2004-2009) ва "Интер" (2009-2012) клубларида ўйнаган. Шунингдек, у Бразилия терма жамоасида 105 та ўйин ўтказган ва 2002 йилги Жаҳон чемпионатида ғолиб чиққан.