"Реал" "Атлетик" вингери Нико Уильямсни сотиб олиши мумкин.
Marca хабарига кўра, Испания терма жамоаси сафидаги 22 ёшли Европа чемпионининг номи "Мадрид" раҳбарлари орасида тобора кўпроқ тилга олинмоқда. Клуб трансфер имкониятини жиддий кўриб чиқмоқда.
"Қаймоқранглилар"га Уильямснинг профили жуда ёқади - у ёш, портловчи ўйинчи, оммавий ахборот воситаларида катта таъсирга эга, спорт ва тижорат салоҳиятига эга. Унинг Испания терма жамоаси аъзоси экани ҳам "Реал" учун плюс.
Футболчининг "Атлетик" билан шартномасида бадал пули - 58 миллион евро кўрсатилган. Клубдагиларнинг фикрича, Уильямснинг хариди трансфер бозорида яхши имконият бўлиб, уни эътиборсиз қолдириб бўлмайди.
Бундан ташқари, "Мадрид" Никонинг "Барселона"нинг асосий мақсадларидан бири бўлганини ҳисобга олган ҳолда, ушбу трансфер қандай таъсир кўрсатиши мумкинлигини баҳоламоқда. Аввалроқ, "кўк-анорранглилар" ёзда Уильямсни сотиб олмасликка қарор қилгани, бунга пул етишмаслиги ва ҳужум чизиғидаги яхши ўйин сабаб бўлгани ҳақида хабар берилганди.
Агар испаниялик футболчи келса, "Реал"дан кетиш учун асосий номзод бразилиялик Родриго бўлади.
