Бразилия терма жамоаси ва Мадриднинг "Реал" клуби яқинлашиб келаётган мавсумлар оралиғида ўртоқлик учрашуви ўтказиши мумкин.

Май ойи охирида "қаймоқранглилар" бошқарувчиси лавозимини Карло Анчелотти тарк этади - у июнь ойидан бошлаб Бразилия терма жамоасида ишлайди. Италиялик мураббийнинг "Реал"даги ўрнини Хаби Алонсо эгаллайди. Relevo нашри тарқатган хабарга кўра Бразилия терма жамоаси ва "қироллик клуби" келаси ёзда ўзаро ўртоқлик учрашуви ўтказиш масаласини жиддий кўриб чиқмоқда.

"Реал" сафида бразилиялик Винисиус Жуниор, Родриго, Эндрик ва Эдер Милитао тўп тепади.