"Манчестер Сити" бош мураббийи Хосеп Гвардиола ярим ҳимоячи Клаудио Эчеверрининг "Борнмут"га қарши ўйин қайдномасига киритилмаганига изоҳ берди.
Сешанба куни бўлиб ўтган Премьер-лиганинг 37-туридан ўрин олган учрашув "шаҳарликлар"нинг 3:1 ҳисобидаги ғалабаси билан якунланди. Баҳс якунлангач, журналистлар испаниялик мураббийдан нега Англия кубогининг сўнгги финалида дебют қилган ва мақтовларга сазовор бўлган Эчеверрини яна қайдномага киритмаганини сўрашди.
"У тор ҳудудларда - "Саутгемптон" ва "Кристал Пэлас" каби чуқур ҳимояланувчи рақибларга қарши ўйинда жуда яхши ҳаракат қилади. "Борнмут" - ҳужум жамоаси, очиқроқ ва Эчеверри ҳозирча бундай ўйинларда ўйнашга тайёр эмас. Ёки тайёр, лекин буни ҳали тушунмадим," - дея Гвардиоланинг жавобини келтиради City Report.
