Мадриднинг "Реал" клуби ўнг қанот ҳимоячиси Дани Карвахаль ўзининг бўлажак жамоадоши Трент Александр-Арнольд ҳақида гапирди.
"Қаймоқранглилар" "Ливерпуль"нинг 26 ёшли футболчисини эркин агент сифатида ўз сафига қўшиб олади. Инглизнинг трансфери тез орада эълон қилиниши кутилмоқда.
"Вазият аниқ. Расмий равишда ҳали ҳеч нарса тасдиқланмаган, лекин шундай бўлса керак, - дейди Карвахаль Трентнинг тез орада келиши ҳақида. - Рақобатдан қўрқиш? Ҳеч қандай қўрқув йўқ. Биз жамоадош бўламиз. Таркибдаги ўрин учун кураш бизни кучлироқ қилади," - дейди куздан буён жароҳати сабаб майдонга тушмаётган испанияликEl Chiringuito TV'га берган интервьюсида.
