Журналист Руди Галеттининг ёзишича, Италиянинг "Интер" клуби айни дамда "Кристал Пэлас" ҳимоячиси Марк Гехи учун курашда фаворит бўлиб турибди ва 24 ёшли футболчини ўз сафига қўшиб олишга даъвогарлик қилаётган "Манчестер Юнайтед"ни ортда қолдирмоқда.
Гехи мавсум якунлангач, Лондон клубини тарк этиши кутилмоқда. Унинг шартномаси 2026 йилнинг июнигача мўлжалланган, аммо футболчи келишувни узайтиришни режалаштирмаяпти. "Кристал Пэлас" таваккал қилишни ва келаси йили ҳимоячисини текинга йўқотишни истамаяпти, шунинг учун клуб уни шу ёздаёқ сотишга мажбур бўлади.
Бунинг фонида Гехига бир вақтнинг ўзида бир нечта клублар қизиқиш билдирмоқда. Шу билан бирга, футболчининг трансфер нархи пасайиб бормоқда ва ҳозирда 45 миллион евро атрофида. Ва "Манчестер Юнайтед"нинг фаоллигига қарамай, айнан "Интер" ҳозирда англиялик футболчига даъвогарлар рўйхатининг бошида турибди.
Гехи бу ёзда катта фойда билан сотилиши мумкин бўлган Янн Биссекнинг ўрнини босиши мумкин. Хусусан, унга "Вест Хэм" қизиқиш билдирмоқда ва у германиялик ҳимоячи учун катта маблағ тикишга тайёр. Миланликлар учун яна бир вариант - "Женоа" ҳимоячиси Кони Де Винтер.
Эслатиб ўтамиз, Гехи жорий мавсум "Кристал Пэлас" сафида барча мусобақаларда 44 та ўйинда 3 та гол ва 2 та голли узатмани амалга оширган.
