Jurnalist Rudi Galettining yozishicha, Italiyaning "Inter" klubi ayni damda "Kristal Pelas" himoyachisi Mark Gexi uchun kurashda favorit bo‘lib turibdi va 24 yoshli futbolchini o‘z safiga qo‘shib olishga da’vogarlik qilayotgan "Manchester Yunayted"ni ortda qoldirmoqda.
Gexi mavsum yakunlangach, London klubini tark etishi kutilmoqda. Uning shartnomasi 2026 yilning iyunigacha mo‘ljallangan, ammo futbolchi kelishuvni uzaytirishni rejalashtirmayapti. "Kristal Pelas" tavakkal qilishni va kelasi yili himoyachisini tekinga yo‘qotishni istamayapti, shuning uchun klub uni shu yozdayoq sotishga majbur bo‘ladi.
Buning fonida Gexiga bir vaqtning o‘zida bir nechta klublar qiziqish bildirmoqda. Shu bilan birga, futbolchining transfer narxi pasayib bormoqda va hozirda 45 million yevro atrofida. Va "Manchester Yunayted"ning faolligiga qaramay, aynan "Inter" hozirda angliyalik futbolchiga da’vogarlar ro‘yxatining boshida turibdi.
Gexi bu yozda katta foyda bilan sotilishi mumkin bo‘lgan Yann Bissekning o‘rnini bosishi mumkin. Xususan, unga "Vest Xem" qiziqish bildirmoqda va u germaniyalik himoyachi uchun katta mablag‘ tikishga tayyor. Milanliklar uchun yana bir variant - "Jenoa" himoyachisi Koni De Vinter.
Eslatib o‘tamiz, Gexi joriy mavsum "Kristal Pelas" safida barcha musobaqalarda 44 ta o‘yinda 3 ta gol va 2 ta golli uzatmani amalga oshirgan.
