"Манчестер Юнайтед" марказий ҳимоячиси Лени Йоро 21 май куни бўлиб ўтадиган "Тоттенхэм"га қарши Европа лигаси финалидан олдинги фикрлари билан ўртоқлашди.
"Финалда ғалаба қозониш - бизнинг устувор вазифамиз, чунки биз кейинги мавсумда Европа мусобақаларида иштирок этиш ҳуқуқини қўлга киритамиз. Премьер-лигада ҳам боримизни берамиз, етишмаётган нарсани топишимиз керак. Европа лигасида эса биз яхши ҳаракат қилмоқдамиз, шунинг учун бу ижобий ҳолат.
Ҳар сафар ютқазганимизда мураббий жуда хафа бўлади. У жуда юқори савиядаги мураббий. У бизни тушунади. У футболчиларни ва уларнинг хатти-ҳаракатларини қандай бошқаришни жуда яхши билади", - деди Йоро.
