Лондоннинг "Арсенал" клубининг икки етакчи футболчиси Англия Премьер-лигасидаги сўнгги ўйинни жароҳат туфайли ўтказиб юборади.
"Канонирлар" расмий сайтида Уильям Салиба ва Юрриэн Тимбер Англия чемпионатининг 38-туридан ўрин олган "Саутгемптон"га қарши ўйинда майдонга туша олмаслиги ҳақида маълумот пайдо бўлди. 24 ёшли французда АПЛнинг ўтган турида "Ньюкасл"га қарши кечган баҳсдан (1:0) кейин тизза ости пайида муаммо бор. 23 ёшли нидерландиялик эса тўпиғидан операция қилинди.
Футболчиларнинг тикланиш муддати аниқ эмас, аммо "Арсенал" устози Микель Артетанинг сўзларига кўра, улар бир неча ҳафтага сафдан чиққан. Футболчилар кейинги мавсумга тайёргарлик жараёнида машғулотларга қайтишлари кутилмоқда.
