Londonning "Arsenal" klubining ikki yetakchi futbolchisi Angliya Premyer-ligasidagi so‘nggi o‘yinni jarohat tufayli o‘tkazib yuboradi.

"Kanonirlar" rasmiy saytida Uilyam Saliba va Yurrien Timber Angliya chempionatining 38-turidan o‘rin olgan "Sautgempton"ga qarshi o‘yinda maydonga tusha olmasligi haqida ma’lumot paydo bo‘ldi. 24 yoshli fransuzda APLning o‘tgan turida "Nyukasl"ga qarshi kechgan bahsdan (1:0) keyin tizza osti payida muammo bor. 23 yoshli niderlandiyalik esa to‘pig‘idan operasiya qilindi.

Futbolchilarning tiklanish muddati aniq emas, ammo "Arsenal" ustozi Mikel Artetaning so‘zlariga ko‘ra, ular bir necha haftaga safdan chiqqan. Futbolchilar keyingi mavsumga tayyorgarlik jarayonida mashg‘ulotlarga qaytishlari kutilmoqda.