Чоршанба оқшомида "Тоттенхэм" ва "Манчестер Юнайтед" УЕФА Европа лигаси финалида ўйнайди. Еврокубокнинг финал учрашуви олдидан "шпорлар" ва "қизил иблислар" ўртасидаги ўзаро қарама-қаршиликлар ҳақида қизиқарли факт билан бўлишамиз.
Шундай қилиб, "МЮ" барча турнирларда охирги марта 2022 йил октябрь ойида "шпорлар"ни мағлуб этган эди. Бу Премьер-лига ўйинида содир бўлганди, 2:0. Манкунианликлар сафида голларга Фред ва Бруну Фернандеш муаллифлик қилди.
Ўшандан бери жамоалар жами олти марта, беш марта Премьер-лигада ва бир марта Лига кубогида ўзаро ўйнашди. Олтита ўйиндан фақат иккитаси дуранг билан якунланди, қолган тўртта ғалабани "шпорлар" ўйинчилари нишонладилар. Жорий мавсумда жамоалар уч марта майдонга тушишди ва учала ўйинда ҳам Лондон клуби ғалаба қозонди.
