Микки ван де Вен Европа Лигаси финалининг 2-бўлими ўрталарида "Тоттенхэм"ни муқаррар голдан қутқариб қолди.
Учрашувнинг 68-дақиқасида "Манчестер Юнайтед" ярим ҳимоячиси Бруну Фернандеш жарима зарбасидан "шпорлар" дарвозаси томон узатма амалга оширди. Дарвозабон Гульельмо Викарио олдинга чиқиб, тўпни узоқлаштиришга уринди, бироқ шерикларидан бири билан тўқнашиб кетиб, тўпни узоқлаштиришни уддалай олмади.
Қайтган тўпдан фойдаланган Расмус Хейлунд бўш қолган дарвозага бош билан зарба берди. Ван де Вен сакраб тўпни чизиқдан тепиб юборди, ҳисоб ўзгармади - 1:0 "Тоттенхэм" фойдасига.
