Mikki van de Ven Yevropa Ligasi finalining 2-bo‘limi o‘rtalarida "Tottenxem"ni muqarrar goldan qutqarib qoldi.
Uchrashuvning 68-daqiqasida "Manchester Yunayted" yarim himoyachisi Brunu Fernandesh jarima zarbasidan "shporlar" darvozasi tomon uzatma amalga oshirdi. Darvozabon Gulyelmo Vikario oldinga chiqib, to‘pni uzoqlashtirishga urindi, biroq sheriklaridan biri bilan to‘qnashib ketib, to‘pni uzoqlashtirishni uddalay olmadi.
Qaytgan to‘pdan foydalangan Rasmus Xeylund bo‘sh qolgan darvozaga bosh bilan zarba berdi. Van de Ven sakrab to‘pni chiziqdan tepib yubordi, hisob o‘zgarmadi - 1:0 "Tottenxem" foydasiga.














