Конфедерациялар кубоги 2-туридан ўрин олган Италия ва Япония терма жамоалари ўйини олдидан кўпчилик Италияни ўйиннинг ҳақиқий фаворити сифатида баҳолаганди. Бироқ ўйин буларнинг бутунлай аксини кўрсатиб берди.

Япония учрашувнинг жуда катта қисми устунлик билан ўтказди. Айниқа биринчи бўлимнинг 35 дақиқаси мобайнида Заккерони шогирдлари Италияни ўз жарима майдони ичида қамаб қўя олди ва кетма-кет ҳужумлар эвазига 2:0 ҳисобида олдинга чиқиб олганди. Бироқ биринчи бўлимнинг сўнгги қисмида Де Росси орадаги фарқни бироз қисқартирди.

Иккинчи бўлимда эса Италия кетма-кет учта гол эвазига ҳисобда олдинга чиқиб олганди. Бироқ Япония яна уйғонди ва Оказаки ҳисобни тенглаштирди. Ўйин тугаб бораётган вазиятда эса Себастьян Жовинко Италияга ғалаба келтирган голни киритди — 4:3. Қолган дақиқаларда Японияда жуда кўплаб имкониятлар бўлди. Ҳатто улар ҳисобни яна бир марта тенглаштиришганди. Бироқ Йошида офсайддан гол киритган деб топилди.

Ушбу ғалаба натижасида Италия ҳисобидаги очколар сони 6тага етди ва Бразилия билан биргаликда муддатидан олдин ярим финал йўлланмасини қўлга киритишди.

Конфедерациялар кубоги
А гуруҳи
2- тур
ИТАЛИЯ – ЯПОНИЯ 4:3 (1:2)
Голлар: Де Росси (41), Утида (50, автогол), Балотелли (52, пенальти), Жовинко (86) – Хонда (21, пенальти), Кагава (33), Оказаки (69).
Италия: Буффон, Де Шильо, Бардзальи, Кьеллини, Маджо (Абате, 59), Пирло, Аквилани (Жовинко, 30), Жаккерини (Маркизио, 68), Де Росси, Монтоливо, Балотелли.
Япония: Кавасима, Йосида, Конно, Нагатомо, Утида (Х. Сакаи, 73), Кагава, Эндо, Хонда, Хасебе (К. Накамура, 90+1), Маеда (Хавенар, 79), Оказаки.
Огоҳлантиришлар: Буффон (20), Де Росси (36), Хасебе (52), Конно (90+1).