"Пари Сен-Жермен" клуби ўнг қанот ҳимоячиси Ашраф Ҳакимий Миланнинг "Интер" клуби аъзоси Дензел Дюмфриснинг ўйини ҳақида фикр билдирди.
Ўнг қанотда ҳаракат қиладиган икки футболчи 31 май куни бўлиб ўтадиган Чемпионлар Лигаси финалида тўқнаш келиши мумкин.
"Дюмфрис кўп гол урди, аммо унга буни қилиш мендан осонроқ, чунки "Интер" беш ҳимоячи билан, биз эса тўрт ҳимоячи билан ўйнаймиз. Лекин Дензел ҳар ҳолда жуда яхши. Унинг боши билан зарба бера олиши менга ёқади. Менга шу етишмаяпти - мен ундан бу фазилатни бажонидил ўзлаштирган бўлардим," - деди Ҳакимий Sky Sport'га берган интервьюсида.
