"Pari Sen-Jermen" klubi o‘ng qanot himoyachisi Ashraf Hakimiy Milanning "Inter" klubi a’zosi Denzel Dyumfrisning o‘yini haqida fikr bildirdi.
O‘ng qanotda harakat qiladigan ikki futbolchi 31 may kuni bo‘lib o‘tadigan Chempionlar Ligasi finalida to‘qnash kelishi mumkin.
"Dyumfris ko‘p gol urdi, ammo unga buni qilish mendan osonroq, chunki "Inter" besh himoyachi bilan, biz esa to‘rt himoyachi bilan o‘ynaymiz. Lekin Denzel har holda juda yaxshi. Uning boshi bilan zarba bera olishi menga yoqadi. Menga shu yetishmayapti - men undan bu fazilatni bajonidil o‘zlashtirgan bo‘lardim," - dedi Hakimiy Sky Sport'ga bergan intervyusida.













