Мадриднинг "Реал" клубида жорий мавсумда жароҳатлар муаммосидан қутулиб қолган футболчилар деярли қолмади.
Яқинда Эндрик жароҳат туфайли сафдан чиқди - афтидан, у клублар ўртасидаги жаҳон чемпионатини ўтказиб юборади. Ёш бразилиялик футболчи "қаймоқранглилар" сафида жорий мавсумда ҳали жароҳат олмаган кам сонли футболчилардан бири эди. Энди эса Madrid Xtra'нинг таъкидлашича, ундай футболчилардан фақат икки нафар қолган - 39 ёшли Лука Модрич ва 20 ёшли Арда Гюлер.
Хорватиялик фахрий Карло Анчелотти жамоаси сафида барча мусобақаларда 55 та ўйинда майдонга тушиб, 4 та гол ва 9 та голли узатмага муаллифлик қилган. Истиқболли турк 41 марта майдонга тушди - унинг ҳисобида бешта гол ва тўққизта самарали пас бор.
