"ПСЖ" клубининг собиқ футболчиси Тьяго Силва Адриен Рабьонинг "Марсель" учун ўйнашини маъқулламади. Гап шундаки, Рабьо илгари "ПСЖ"да ўйнаган, сўнг "Ювентус"га ўтган ва фақат шундан кейин провансал клубига бориб қўшилган. Журналистлар бразилияликдан "ПСЖ" ва "Марсель" ўртасидаги азалий рақобатни ҳисобга олган ҳолда, бу вазиятни қандай баҳолашини сўрашди.
"Бу фикр мени жуда ёмон аҳволга солди, жуда. У бизда ўйнади, футболчи сифатида шаклланди. Кейин кетди. Бу унчалик яхши эмас. "Ювентус"га ўтди. Энди эса тўсатдан - "Марсель"да," - дея Тьяго Силванинг сўзларини келтиради pianetamilan.it.













