"Бавария"нинг ҳужумкор ярим ҳимоячиси Лерой Сане Миллатлар лигасининг якуний ўйинларига жалб этилади, дея хабар бермоқда BILD.
Манбага кўра, Германия терма жамоаси бош мураббийи Юлиан Нагельсманн футболчини ҳал қилувчи ўйинлар учун терма жамоа таркибига чақирган.
Эслатиб ўтамиз, Сане 2025 йилнинг ёзида "Бавария"ни тарк этиши мумкин. 29 ёшли немиснинг шартномаси 2025 йилнинг 30 июнига қадар мўлжалланган ва уни узайтириш бўйича музокаралар чўзилиб кетган.
Ушбу мавсумда вингер клуб миқёсида 45 та ўйинда 13 та гол урди ва 6 та голли узатмани амалга оширди.













