"Барселона" спорт директори Деку "Реал" ўтган ёзда амалга оширган Килиан Мбаппе трансфери ҳақида гапирди.
"Мбаппе ўйин услубини ўзгартириши кераклигини биламан ва бу тактик мувозанатни бузиши мумкин. Унинг ажойиб ўйинчи эканини билардик, аммо у "Реал"да мувозанатни бузди. Биз ўз ишимизга эътибор қаратдик - курашдик ва яна курашдик. Бу мавсумда исталган дақиқада нимадир содир бўлиши мумкинлигини билардик," - деди Деку RAC1 нашрига берган интервьюсида.
Хабарингиз бор, "Барселона" мавсум якунланишига 2 тур қолганида Испания чемпионига айланди. Шу билан бирга, каталонияликлар мавсумдаги тўртта класикода ҳам "Реал"ни мағлуб этишди.
