Мадриднинг “Реал” клуби ярим ҳимоячиси Жуд Беллингем ёзда бўлиб ўтадиган клублар ўртасидаги жаҳон чемпионатидан сўнг Лука Модрич жамоани тарк этиши ҳақидаги хабарга жавоб қайтарди.
Беллингем ижтимоий тармоқларда Модричга таъсирли хабар қолдирди. Англиялик футболчи хорват билан бир жамоада ўйнаганидан фахрланишини айтди.
“Биродар, ҳар бир пас, ҳар бир дриблинг ва ҳар бир зарба учун чин қалбимдан миннатдорман, менга берган донолик ва маслаҳатларинг учун раҳмат”, деб ёзди Беллингем.













