Дидье Дешам Чемпионлар лигаси финалида "ПСЖ"ни қўллаб-қувватламаслиги ҳақидаги саволдан ҳайратда қолди.
Франция терма жамоаси бош мураббийидан Чемпионлар лигаси финалида "Интер"га қарши ўйинда парижликларни қўллаб-қувватлайсизми, деган савол берилди. Дешам аввалроқ "Марсел"да ўйнаган ва "ПСЖ"нинг энг катта рақиби бўлган клубни бошқарган.
"Жиддий айтяпсизми? Бундай жиддий саволни бериб бўлмайди. Жавобга ишонч ҳосил қилиш учун Эски Портда (Марселнинг энг машҳур жойи) кимдандир сўрашингиз керак бўлади.
Мен мураббийман. Қўл остимда Франция терма жамоаси бор. Менда Марселда ишлаш тажрибам бор, лекин жавоб менга шунчалик равшан кўринадики, бу саволни беришга ҳам арзимайди. Таркибимда ушбу ўйинда иштирок этадиган икки ўйинчи - Бенжамин Павар ва Маркус Тюрам бўлса ҳам, мен "Интер"ни қўллаб-қувватламайман деб айтаман, чунки... Ростини айтсам, мен ундай эмасман.
Шубҳасиз, "ПСЖ"нинг бу ғалабаси француз футболи учун энг яхши сценарий бўларди”, деди Дешам.
