Хорватия терма жамоаси бош мураббийи Златко Далич Мадриднинг "Реал" клуби тез орада Лука Модрич билан хайрлашиши ҳақида фикр билдирди.
Ярим ҳимоячи 13 йиллик фаолиятидан сўнг "қаймоқранглилар" сафини тарк этмоқда. 24 май, шанба куни 39 ёшли футболчининг "Сантяго Бернабеу"даги хайрлашув учрашуви бўлиб ўтади.
"Лука - футбол тарихидаги энг яхшилардан бири, агар у нимадан бошлагани ва нимага эришганини ҳисобга олсак. Шанба куни тўлиб-тошган "Сантьяго Бернабеу" уни дунёнинг энг муваффақиятли клубида ўйнаган энг буюк футболчилардан бири сифатида кузатади. Бизнинг кичкина Хорватиямиздан, Задарнинг ичкарисидан келган боланинг ақл бовар қилмас тақдири."
